Almatyda Jańa jyl qarsańynda 300 otbasyna áleýmettik kómek kórsetildi

ALMATY. QazAqparat- Búgin Almaty qalasynyń Tastaq bazarynda QR Táýelsizdik kúni jáne kele jatqan Jańa jyl merekesine oraı, qaıyrymdylyq aktsııasy ótti.

Onda Uly Otan soǵysynyń ardagerlerine, zeınetkerlerge, jalǵyz basty analarǵa, áleýmettik turmysy tómen, kóp balaly jáne múgedek balalary bar otbasylaryna 300 áleýmettik paket, ıaǵnı azyq-túlik sebeti taratyldy.

Uıymdastyrýshylardyń aıtýynsha, bir azyq-túlik sebetine

bir-bir keliden qant, un, kespe, kúrish, qaraqumyq, bir lıtr kúnbaǵys maıy men sút, bir qorapsha shaı jáne bir bólke nan salyndy. Jalpy somasy 2 myń teńgeden astam.

Búgingi qaıyrymdylyq sharasyna qatysqan «Tastaq-1», «Tastaq-2» jáne «Tastaq-3» shaǵyn aýdandarynyń turǵyndary uıymdastyrýshylar - Almaly aýdanynyń ákimdigi men «Tastaq» bazarynyń basshylyǵyna rızashylyqtaryn bildirdi.