Almatyda Jańa jyl aldyndaǵy balalar eńbekteriniń jármeńkesi ótti
ALMATY. QazAqparat - Jańa jyl qarsańyndaǵy jármeńkede bes Almaty arnaıy mektep-ınternatynyń tárbıelenýshileri qoldan jasalǵan erekshe buıymdardy usyndy, dep habarlaıdy «QazAqparat» HAA tilshisi.
Almatylyqtar men qala qonaqtary birneshe saǵat ishinde júzdegen qolóner jáne zergerlik buıymdardy, oıynshyqtardy satyp aldy. №1 estý qabileti buzylǵan balalarǵa, №4 N.Ostrovskıı atyndaǵy zaǵıp jáne nashar kóretin balalarǵa, №9 sóıleýi qabileti tómen balalarǵa, №6 jáne №7 aqyl-oıynyń damý qabileti buzylǵan balalarǵa arnalǵan mektep-ınternattyń tárbıelenýshileri 200-den astam qolóner buıymdaryn daıyndady.
Jınalǵan qarajat osy mekemelerdegi balalarǵa arnalǵan shyǵarmashylyq úıirmelerdiń qajetine jumsalatyn bolady.
