Almatyda jańa jolaıyryqta kólik qozǵalysy ashyldy
ALMATY. QazAqparat- Megapolıs ákimi Baqytjan Saǵyntaev Rysqulov dańǵyly men Emtsov kóshesiniń qıylysyndaǵy jolaıyryq boıymen kólik qozǵalysyn ashty, dep habarlaıdy QazAqparat tilshisi.
Rysqulov dańǵyly men Emtsov kóshesiniń qıylysyndaǵy kólik jolaıyryǵynyń qurylysy aıaqtaldy. Rysqulov dańǵyly arqyly ótetin estakadanyń uzyndyǵy - 186 metr. Onyń qurylysy osy aımaqta ornalasqan qurylys ıelerimen bolǵan sot protsesterine baılanysty keshiktirildi.
Buryndary jekelegen búıirlik sezderi boıynsha qozǵalys ashylǵan bolatyn. Jolaıryq Rysqulov dańǵyly boıymen júretin kólikterdiń ótkizý qabiletin táýligine - 80 myń avtomobılge deıin, Emtsov kóshesi boıymen 40 myńǵa deıin arttyrady.
Aıta keteıik, bıyl Almatynyń 274 kóshesindegi jańa joldardyń uzyndyǵy 108 shaqyrymdy quraıdy. Jalpy uzyndyǵy 80 shaqyrymǵa jetken velojol salý jumystary aıaqtaldy.
Buǵan deıin Qulja traktisi men Buqtyrma kóshesiniń qıylysynda salynyp jatqan jolaıryqta Qulja traktisi boıynsha eki baǵytta kólik qozǵalysy uıymdastyrylǵan bolatyn.
Sondaı-aq sezder boıynsha Buqtyrma kóshesinen Qulja traktisine shyǵysqa qaraı, sondaı-aq Qulja traktisi boıymen Buqtyrma kóshesine sezd arqyly, burylý alańyna ótpesten qozǵalys ashyldy.
