Almatyda jańa jolaıyryǵy paıdalanýǵa berildi
ALMATY.QazAqparat - Astana kúnine oraı Almatyda jańa jolaıyryǵy paıdalanýǵa berildi, dep habarlaıdy QazAqparat tilshisi qalalyq ákimdikke silteme jasap.
Almatyda Bókeıhanov kóshesiniń qılysy men Soltústik aınalym boıynda jańa jol aıyryǵy ashyldy. Buryn osy ýchaskede táýligine 211 myń avtomobıl ótetin bolsa, jańa nysannyń arqasynda joldyń ótkizý qabileti 361 myń kólikke artyp, 70% qurady. Jańa jolaıyryǵy Dorojnık, Shańyraq, Ójet yqsham aýdandaryndaǵy kólik tyǵyzdyǵyn 20% qysqartady.
Jobanyń tehnologııalyq jaǵynan kúrdeli bolýyna qaramastan nysan josparlanǵan merziminen alty aı buryn berildi. Jolaıyryǵynyń qurylysy 2015 jyldyń sońynda bastalǵan edi, onyń jalpy quny 8,6 mlrd. teńge.
Almaty ákimi Baýyrjan Baıbek 10 jyl ishinde qalada 30 jolaıyryǵy iske qosylǵanyn, biraq halyqaralyq tájirıbe jeke kólikter úshin ınfraqurylym kóp jasalsa, qalanyń kólik tarfıginiń arta túsetindigin kórsetti.
«Búgingi kúni qalada keshendi kólik reformasy júrýde. Kishi kólik aınalymynyń ótkizý qabiletin arttyrý úshin úsh jolaıyryǵy salynýda, al qalanyń ortalyq kóshelerinde jaıaý júrginshige basymdyq berilýde. Jeńil jáne úlken relsti kólik engizý jobalary,qoǵamdyq kólik úshin arnaıy jolaqtar jasalýda, jańa baǵyttar ashylýda, jyljymaly quram jańarýda, velobeketter ornatylýda, jasyl jelek kólemi ulǵaıýda.Osynyń barlyǵy qala ekologııasyn jaqsartyp, ómir súrý úshin barynsha jaıly ete túsýde», - dep atap ótken ákim, jańa jolaıyryǵynyń aınalasyn kóriktendirý jóninde tapsyrma berdi.
Esterińizge sala keteıik, qazirgi kezde Fýrmanov kóshesi Jansúgirov kóshesine deıin temirjol arqyly estakadamen birge, Hmelnıtskıı kóshesi Súıinbaı dańǵylynan Jas qanat yqsham aýdanyna deıin, Abaı dańǵyly Áýezov kóshesinen Qalqamanǵa deıin, odan qala shekarasyna deıin úńgilenýde.
Seıfýllın - Jansúgirov,Rysqulov dańǵyly,Emtsov kóshesi men Qulja trassasy qıylystarynda jolaıyryq qurylystary odan ári jalǵasýda, BRTjelisi boıynsha kóshe-jol júıesi jańarýda,Naýryzbaı aýdanyndaǵy Qalqaman jáne Alty alash eldi mekenderinde uzyndyǵy 17,335 km bolatyn, Alataý aýdanyndaǵy Alǵabas jáne Aqbulaq eldi mekenderinde uzyndyǵy 10,993 km bolatyn joldar salynýda.
Sonymen qatar, Almatyda júrginshilerge basymdylyq berý úshin birqatar kósheler qaıta jasalýda. Bıylǵy jyldyń aıaǵyna deıin Panfılov, Jibek joly, Gogol,Qabanbaı batyr kósheleri men «Astana» alańyna tastar tóseledi, jasyl jelek otyrǵyzylady, kishi arhıtektýralyq formalar qoıylady, sport ınventarlary ornatylyp, balalar alańdary paıda bolady, velojoldar abattandyrylady, nysandar teksheleri jaryqtandyrylady. Osyǵan qatysty jasalǵan jobalardyń eshqaısysynda jasyl jelekti buzý, burynnan baryn kesý qarastyrylmaǵan. Kóleńkeli keńistikti keńeıtý úshin bıik bolyp ósetin qaıyń, emen, terek jáne basqa da aǵash túrleri, myńnan astam buta-shilikter otyrǵyzylatyn bolady.
