Almatyda jańa jeńil atletıka stadıony ashyldy
ALMATY. QazAqparat - Almatynyń Alataý aýdanynda jeńil atletıka stadıonynyń saltanatty ashylý rásimi ótti, dep habarlaıdy QazAqparat tilshisi.
Sońǵy 40 jyl ishinde salynǵan alǵashqy jeńil atletıkaǵa arnalǵan jattyǵý stadıonynyń jalpy aýdany 39 000 sharshy metr. Jańa sport nysany «Týǵan jer» baǵdarlamasy aıasynda kásipkerlerdiń kómegimen boı kóterdi.
Jańa sporttyq nysan «Almaty Arena» sport saraıynyń mańynda ornalasqan. Stadıonda sportshylar jeńil atletıkanyń 47 dıstsıplınasy boıynsha jattyǵýǵa múmkindik alady. Atap aıtqanda, 6 júgirý joly, ákimshilik ǵımaraty, 100, 400 metrlik júgirý joldarymen qatar, kólemi 100h70 jasandy fýtbol alańy, bıiktikke jáne uzyndyqqa sekirý alańdarymen, sonymen qatar, kólemi 100h62 m tabıǵı shóppen jabylǵan ıadro, dısk, naıza, sharbalǵa laqtyrýǵa arnalǵan aımaq bar.
Sonymen qatar, onda 300 orynǵa arnalǵan trıbýna bar.
Stadıonnyń saltanatty ashylý rásimine Almaty ákimi Baýyrjan Baıbek, demeýshiler, eńbegi sińgen sportshylar men bapkerler jáne Olımpıada oıyndarynyń júldegerleri Olga Rypakova, Dáýlet Turlyhanov, Islam Baıramýkov, Ermahan Ybraıymov, Baqtııar Artaev pen Ámın Tuıaqov qatysty.
Qala ákimi almatylyqtardy jeńil atletıka stadıonynyń ashylýymen quttyqtap, JShS «Alons» jáne «ıÝnıkom» kompanııalaryna alyp shahar sportshylaryna stadıondy salyp, memleketke syıǵa tartqany úshin alǵysyn bildirdi.
«Bul - sońǵy 40 jyl ishinde salynǵan alǵashqy jeńil atletıkalyq jattyǵý stadıony. Elbasy Nursultan Ábishuly Nazarbaevtyń «Rýhanı jańǵyrý» baǵdarlamasyn iske asyrý aıasynda «Alons» jáne «ıÝnıkom bıznes grýpp» kompanııalary 605 mln teńge qarjyǵa salyp, memleketke syıǵa tartyp otyr. Stadıon Almaty qalasy jeńil atletteriniń jattyǵý ortalyǵyna aınalmaq. Aldaǵy ýaqytta, «Halyq Arena» janynda taǵy da 5 000 orynǵa arnalǵan halyqaralyq birinshi sanatty jeńil atletıka manejin salatyn bolamyz. Búgin biz ashyp otyrǵan jańa jattyǵý alańy jeńil atletıkanyń qarqyndy damýyna, elimizdiń týyn bıikke jelbiretetin sportshylardy daıyndaýǵa qyzmet etetin bolady dep senemin», - dep qorytyndylady Baýyrjan Baıbek.
Olımpıada oıyndarynyń chempıony, halyqaralyq jarystardyń jeńimpazy men júldegeri Olga Rypakova, arnaıy osy shara úshin Óskemennen kelip, sportshylarǵa sheberlikterin shyńdaýǵa osyndaı múmkindik bergen demeýshilerge alǵysyn bildirdi.
«Jeńil atletterge arnalǵan stadıonnyń ashylǵanyna qýanyshtymyn. Mundaı ashylý jaqsy dástúrge aınalyp, barlyq qalalarda osy sport túriniń sportshylaryna arnalǵan sporttyq nysandar ashylsa eken deımin. Munda sportshylar jattyǵyp, óz maqsattaryna qol jetkizýge, ıaǵnı chempıon atanýǵa múmkindikteri barshylyq. Álbette, barlyǵy chempıon bola bermeıdi, bizdiń basty baılyǵymyz - densaýlyǵymyz», - dedi Olga Rypakova.
Almaty qalasynyń Jeńil atletıka federatsııasynyń prezıdenti Muhıt Ázirbaevtyń aıtýynsha, stadıonda sport mektebiniń tárbıelenýshileri, jeńil atletıka áýesqoılary jattyǵa alady. Ol aldaǵy ýaqytta munda kóptegen qalalyq jarystar ótkiziletinin de aıta ketti.
