Almatyda jańa úılerde áleýmettik nysandardyń ashylýyna talap qoıylatyn boldy
ALMATY. QazAqparat - Almatyda jańa turǵyn úılerde áleýmettik nysandardyń ornalasýyna talap qoıylatyn bolady. Bul týraly búgin brıfıng barysynda qala ákiminiń orynbasary Muhıt Ázirbaev aıtty, dep habarlaıdy QazAqparat tilshisi.
Jańa talaptar sport sektsııalary, kitaphana, medıtsınalyq ambýlatorııalarǵa qatysty bolmaq.
«Jańa salynyp jatqan turǵyn úılerde turǵyndardyń talaby eskerilýin qalaımyz. Osyǵan qatysty zań normasyn qaıta qaradyq. Endi jańadan salynyp jatqan aýdandardaǵy turǵyn úılerde áleýmetik nysandardyń ashylýy mindetti bolady», - dedi Muhıt Ázirbaev.
Mundaı nysandarǵa sondaı-aq, mektepke deıingi jáne qosymsha bilim berý nysandary kiredi.
«Jańadan boı kóterip jatqan aýdandarda balabaqsha, mektepter qurylysy jolǵa qoıylǵan. Bul durys. Tipti shaǵyn marketter, turmystyq qyzmet ortalyqtary da bar. Biraq, bul jetkiliksiz», - dedi ákimniń orynbasary.
Onyń aıtýynsha, jańa úılerde budan bylaı sport sektsııalary, kitaphana, medıtsınalyq ambýlatorııa nysandaryn ashý boıynsha jańa talaptar bekitiletin bolady.
Aıta ketý kerek, búgin brıfıng barysynda Almaty qalasynyń erekshe mártebesi týraly zańnan qandaı ózgerister kútiletini jaıly aıtyldy.
