Almatyda jańa turǵyn úı kesheni mańynda asfalt opyrylyp jatyr
ALMATY. QazAqparat – Almatylyq jańa turǵyn úı kesheni mańyndaǵy asfalttyń opyrylyp túskenine shaǵymdandy, dep habarlaıdy QazAqparat tilshisi.
Qurmanǵazy men Sháripov kósheleriniń qıylysyndaǵy elıtalyq jańa kópqabatty turǵyn úıdiń mańynda asfalt opyrylyp túsip jatyr.
Onyń sýretteri áleýmettik jelide tarady.
«Elıtalyq jańa úıdiń aınalasyndaǵy jer túsip ketken. Múmkin bul qalypty jaǵdaı shyǵar, alaıda júrý qaýipti», - dep jazady jeli qoldanýshysy.
Almaty ákimdiginiń baspasóz qyzmeti bul nysannyń 2021 jyldyń sáýir aıynda paıdalanýǵa berilgenin habarlady.
«Qolaıly aýa raıy jaǵdaıynda jáne asfalt-beton zaýytynyń jumysy qaıta jandanǵan kezde «RAMS Qazaqstan» JShS joldy jóndep, qalpyna keltiredi», - dep jaýap berdi ákimdiktegiler.
