Almatyda jańa turǵyn úı keshenderinde ýchaskelik polıtsııa pýnkteri paıda bolady
Almaty qalasynyń sáýletin jáne qala qurylysyn qalyptastyrý erejesiniń talaptaryna sáıkes, turǵyn jáne turǵyn emes ǵımarattardy jobalaý jáne salý kezinde 3 myń adamǵa 1 ýchaskelik polıtsııa ınspektorynan kelýi kerek. Bul maqsatta salynatyn polıtsııa bólimsheleriniń aýdany 45 sharshy metrden kem bolmaýy tıis.
«Salynyp jatqan turǵyn úıler mańynda ýchaskelik polıtsııa pýnkteriniń ornalastyrý turǵyndarǵa tártip saqshylarynyń jaqyn mańda bolýyna múmkindik beredi, bul bizdiń ınspektorlarǵa shaqyrtýlarǵa tez jetýge jáne turǵyndarmen ózara árekettesýine kómektesedi. Ýchaskelik polıtsııa pýnkti barlyq qajetti quraldarmen jabdyqtalady, jergilikti jerdegi polıtsııa qyzmetkerleriniń jumysyn tek ishki qyzmetter ǵana emes, sonymen qatar, turǵyndardyń ózi baqylaıdy. Turǵyndardyń keri baılanysy – bul qazirgi kezde júrgizilip jatqan ishki ister organdaryn reformalaý tıimdiliginiń negizgi kórsetkishi», – deıdi Almaty qalalyq polıtsııa departamentiniń bastyǵy Qanat Taımerdenov.
Sonymen qatar, ol ýchaskelik polıtsııa qyzmetkerleriniń jumysyn jaqsartý boıynsha úsh jyldyq keshendi jospar jasalǵanyn atap ótti.
«Memleket basshysy Joldaýynda reformalar men «polıtsııa jaqyn mańda» qaǵıdaty boıynsha jumysty uıymdastyrý qajettiligin atap ótti, munda basty ról ýchaskelik polıtsııa qyzmetkerine júkteledi, olar óz aımaqtaryndaǵy turǵyndaryna jaqyn, azamattar úshin bedeldi jáne olardyń quqyqtaryn qorǵaıtyn bolýy kerek. Osy qaǵıdany iske asyrý maqsatynda biz ýchaskelik polıtsııa pýnktteri úshin 36 oryndy anyqtadyq. Qarqyndy damýdy jáne Almaty oblysynyń birqatar eldi mekenderiniń qalaǵa qosylýyn eskere otyryp, búgingi tańda bul shuǵyl qajettilik bolyp tabylady», – dedi Qanat Taımerdenov.