Almatyda jańa týǵan nárestege kúrdeli ota jasaldy
ALMATY. QazAqparat – Almatylyq dárigerler jańa týǵan nárestege kúrdeli ota jasap, kózin saqtap qaldy, dep habarlaıdy QazAqparat tilshisi.
Perınatologııa jáne balalar kardıohırýrgııasy ortalyǵynda júktiliktiń 29-aptasynda s almaǵy 900 gramm bolatyn s ábı dúnıege keldi.
Dárigerler oǵan kózdiń aýyr syrqaty – shala týǵan nárestelerdiń retınopatııasy dıagnozyn qoıdy.
«Shala týǵan retınopatııa - bul kózdiń aýyr aýrýy, negizinen shala týǵan nárestelerde bolady. Syrqat tez damıdy. Eger birneshe kún ishinde mıkrohırýrgııalyq operatsııa jasalmasa, bala soqyr bolyp qalýy múmkin. Retınaldy transpýpıllıarly lazerlik koagýlıatsııa jasadyq. Operatsııa sátti ótti. Qazir bala jańa týǵan náresteler patologııasy bóliminde. Dárigerler onyń jaǵdaıyn turaqty dep baǵalaıdy, operatsııadan keıingi kezeń asqynýsyz ótti», - deıdi ortalyqtyń bas dárigeri Gúlnár Nurlanova.
Onyń aıtýynsha, tek qyrkúıek aıynda Perınatologııa jáne balalar kardıohırýrgııasy ortalyǵynda osyndaı joǵary tehnologııalyq 8 ota jasaldy, jylyna 70-ke jýyq operatsııa bolady.
Bul operatsııalar MÁMS sheńberinde tegin júrgiziledi.
