Almatyda jańa týǵan balasyn satpaq bolǵan 22 jastaǵy kelinshek ustaldy
ALMATY. QazAqparat - Almatyda jańa týǵan nárestesin satpaq bolǵan 22 jastaǵy kelinshek ustaldy, dep habarlaıdy QazAqparat tilshisi qalalyq ІІD baspasóz qyzmetine silteme jasaı otyryp.
Vedomstvonyń málimetine súıensek, Qyzylorda oblysynyń 22 jastaǵy týmasyn polıtseıler onyń júktiliginiń sońǵy kezderinde baqylaýyna alǵan. Jas kelinshek bolashaq balasyna ata-ana izdeýmen belsendi aınalysqan. Basynda, ony satpaq ta bolǵan.
«Jedel joldarmen jetken aqparatty tekserip, onyń rastyǵyna kóz jetkizdik. Naqtyraq aıtqanda, eki balanyń anasy úshinshi qursaqtaǵy sábıin 2000 AQSh dollaryna satpaq bolǵan. Aqshanyń bir bóligin ol júktiliginiń sońǵy kezeńinde alǵan. Qalǵan bóligin balasyn bolashaq ata-anasyna tapsyrý kezinde almaq bolǵan. Ol salmaǵy 4 keli bolǵan er balany aman-esen dúnıege ákeldi. Qylmystyq jolmen jasalǵan kelisim Almaty qalasy Seıfýllın kóshesiniń birindegi úıde jasaldy. Kúdikti aqshany alý kezinde qolǵa tústi», Almaty qalasy ІІD Uıymdasqan qylmystyq toppen kúres basqarmasynyń basshysy, polıtsııa polkovnıgi Erlan Oralbekov.
Aıta keteıik, kúdikti kelinshektiń kúıeýi eki balasy bar. Turaqty jumysy joq, jezókshelikpen aınalysqan.
«Atalǵan fakt QR QK 135 baby 1 bóligi boıynsha sotqa deıingi tergep-tekserý biryńǵaı tizilimine tirkeldi. Іsti ІІD Tergeý basqarmasy júrgizip jatyr. Sábı Balalar úıine berildi», delingen habarlamada.
