Almatyda jańa tarıxı albomnyń tusaýy kesildi
ALMATY. QazAqparat - Almatyda «Tarıh - tamyryń, bolashaqqa taǵylym» jańa tarıxı albomynyń tusaýy kesildi, dep habarlaıdy QazAqparat tilshisi.
Kópserııaly albom-kitap Ortalyq memlekettik kıno-fotoqujattar men dybystyq jazbalar arhıviniń 75 jyldyǵyna arnaıy shyǵarylyp otyr.
Tarıxı albomda revolıýtsııaǵa deıingi kezeńnen syr shertetin sırek sýretter nazarǵa usynyldy. Aldaǵy ýaqytta kitapty tarıhı kezeńderge bólip shyǵarý kózdelgen.
Sondaı-aq, muraǵatty sandyq júıege kóshirý qarqyndy qolǵa alynyp otyr. Arhıvte keńes zamanynda túsirilgen «Vostokkıno» jáne «Mejrabprom» stýdııalary túsirgen kınoqorlar da bar. Mundaı jádigerler endi kórermenge elektrondy nusqada qoljetimdi bolmaq.
«Negizgi maqsat - jańa zamandaǵy arhıv qyzmetindegi máselelerdi aıqyndaý, jetekshi ornyn belgileý, sonymen birge osy sala boıynsha álemdik tájirıbege zer salý. Qazirgi zamanǵy arhıvterdiń sandyq júıesin qurý, jumys isteýdiń ınnovatsııalyq nysandary men ádisterin engizý arhıv salasy qyzmetkerleriniń kásiptik quzyrettiligine joǵarǵy talaptar qoıýda», - dedi «Ortalyq memlekettik kıno-fotoqujattar men dybys jazbalary arhıvi» RMM dırektory Tasqyn Toıbaev.
