Almatyda jańa sport kesheni salynyp jatyr
ALMATY. Maýsymnyń 26-sy. QazAqparat /Erlik Erjanuly/ - Bıyl jyl sońyna qaraı Almatyda jańa sport kesheni paıdalanýǵa beriledi,
dep habarlaıdy QazAqparat.
Bul sport kesheniniń qurylysy jónindegi sheshim QR Tuńǵysh Prezıdenti qorynyń Qamqorshylar keńesinde qabyldanǵan bolatyn. Joba Qala qurylysy keńesinde maquldandy. Sport kesheniniń qurylys jumystary úderisiniń operatory - "Múlikterdi basqarý dırektsııasy", al Bas merdigeri «RIAN ınjınırıng Ltd» JShS-teri boldy. Demeýshiler qarjysyna salynatyn keshendegi josparlanǵan ınvestıtsııa kólemi 10 mıllıon AQSh dollaryna jýyq. Aýmaǵy 4,4 gektar bolatyn bul sport kesheninde myna qurylymdar bolady: 66 avtomashınaǵa arnalǵan jer asty kólik turaǵy bar bas keńse, 25 metrlik júzý basseıni, balalardyń júzý basseıni, jabyq 2 tennıs korty, ámbebap oıyn zaly jáne ákimshilik pen kelýshilerdiń qajettiligi úshin birqatar qosymsha bólmeler. Sondaı-aq sporttyń oıyn túrlerine arnalǵan ámbebap ǵımarat; 2,5 myń adamǵa arnalǵan trıbýnasy jáne júgirý joldary bar shóp tóselgen stadıon; 4 ashyq tennıs korty; jasandy tósenishi bar 3 shaǵyn fýtbol alańdary men 100 avtomashınaǵa arnalǵan kólik turaǵy bolady. Ondaǵy jabyq qurylymdar - 11,5 myń sharshy metr, al ashyq qurylymdar - 33,5 myń sharshy metr aýmaqty quramaq.
