Almatyda jańa sot quryldy

ALMATY. QazAqparat - Almatyda mamandandyrylǵan aýdanaralyq ákimshilik soty (MAÁS) quryldy, dep habarlaıdy QazAqparat tilshisi.

«Osyǵan deıingi (MAÁS) endi «ákimshilik quqyq buzýshylyqtar jónindegi mamandandyrylǵan aýdanaralyq soty» dep atalady. Ol Qarasaı batyr kóshesi, 85 mekenjaıynda ornalasady. Aıta keteıik, ol ǵımaratta úsh qylmystyq sot otyrady», - dep habarlady Almaty qalalyq sotynyń baspasóz qyzmeti.

Sondaı-aq qylmystyq ister jónindegi mamandandyrylǵan aýdanaralyq soty Naýryzbaı aýdanyndaǵy «Shuǵyla» yqshamaýdany, 347/1 mekenjaıyna kóshti.

Buǵan deıin, 2021 jyldyń 1 shildesinen bastap kúshine enetin Ákimshilik rásimdik-protsestik kodekstiń aıasynda elimizde 21 ákimshilik sot qurylatyny týraly jazǵan bolatynbyz.