Almatyda jańa poshta bólimshesi ashyldy
ALMATY. 16 qyrkúıek. QazAqparat /Erbol Azanbek/ - Búgin Almatynyń «Saıran» yqsham aýdanynda jańa № 5 poshta baılanysy bólimshesi ashylady.
Atalǵan aýdan qalanyń Almaly aýdanyndaǵy halyq tyǵyz qonystanǵan aýmaqtyń biri. Osy ýaqytqa deıin aýdan turǵyndary hattary men sálemdemelerin 1956 jyly qazan aıynda ashylǵan eski ǵımarattan jiberip júrdi. Ǵımarat eski, kezek uzaq, halyqqa qolaısyz edi. Jańa bólimsheniń aýmaǵy 310 sharshy metr. Qazirgi zamanǵy tehnıkamen, jabdyqtarmen jaraqtandyrylǵan jáne barlyq jaǵynan halyqaralyq standartqa sáıkes. Múgedekterge arnaıy pandýs qoıylǵan jáne lıfti de bar. Jańa PBB-de qosymsha operatsııalyq tereze ashý múmkindigi paıda boldy, sonymen qatar Ulttyq Bankiniń talaptaryna sáıkes jabdyqtalǵan aqsha aıyrbastaý qyzmeti kórsetiletin bolady.
Bólimshede aýdan halqy poshtalyq jáne qarjylyq qyzmetteri paıdalana alady. Banderolder, Qazaqstan boıynsha, TMD elderine jáne alys shetelderge aqsha aýdarymdaryn jibere alady, gazet-jýrnaldarǵa jazylýdy rásimdeıdi, kommýnaldyq, salyqtyq jáne ózge de tólemderdi tóleıdi, nesıelerdi ótep, zeınetaqy, járdemaqy, eńbekaqylaryn alýǵa múmkindikteri bar. Jańa bólimsheniń ashylýyna aýdan turǵyndary men Maslıhat depýtattary, «Nur Otan» halyqtyq demokratııalyq partııasy saıası keńesiniń músheleri, «Qazpochta» AQ jáne Almaty pochtamtynyń basshylyǵy, pochta salasynyń ardagerleri, korporatıvtik tutynýshylar qatysyp, óz qýanyshtaryn bildirdi.
«Poshta - poshta baılanysy bólimshesinen bastalady. Bizdiń birinshi oryndaǵy maqsatymyz - elimizdiń árbir turǵynyn poshtalyq jáne qarjylyq qyzmettiń tolyq túrlerimen qamtamasyz etý bolǵandyqtan, osy poshta bólimshesiniń ashylýynan búkil Qazaqstan boıynsha poshta bólimsheleriniń qalalyq jáne aýdandyq júıelerin jańartý boıynsha aýqymdy joba bastalady dep sanaımyz. Bıylǵy jyl bizdiń respýblıkamyzdyń Táýelsizdiginiń 20 jyldyǵy bolǵandyqtan - bul bizdi óte qýantady. Qıyndyqtarǵa qaramastan qazaqstan poshtasy poshta baılanysy bólimshelerin jańartýdy jalǵastyrýda, qyzmet kórsetýdiń sapasy kúnnen kúnge joǵarylap keledi, ıaǵnı tek servıstiń ǵana jaqsarýy emes, sonymen qatar poshta baılanysy bólimshesiniń kelbeti de jańaryp keledi»,- dedi «Qazposhta» AQ Basqarma Tóraǵasy Arken Arystanov.
