Almatyda jańa oqý jylyna oqýshylarǵa 400 vıdeosabaq túsirildi
ALMATY. QazAqparat – Almatyda oqý jylynyń basyna oqýshylarǵa arnap 400 vıdeosabaq túsirildi. Bul týraly onlaın brıfıng barysynda Almaty qalalyq Bilim basqarmasynyń basshysy Lázzat Jylqybaeva aıtty, dep habarlaıdy QazAqparat tilshisi.
Onyń aıtýynsha, almatylyq muǵalimder 1-11 synyp oqýshylarynyń qashyqtan oqýy úshin vıdeosabaqtardy daıyndaýǵa belsendi atsalysyp jatyr.
«Almaty qalasynda 400-den astam sabaq túsirildi. Qalanyń úzdik muǵalimderi osy protseske qatysýda», - deıdi Almaty qalalyq Bilim basqarmasynyń basshysy Lázzat Jylqybaeva.
Eske sala keteıik, 2019-2020 oqý jylynyń 4 toqsanynda mektep oqýshylary úshin vıdeosabaqtar Almaty telearnasy arqyly kórsetildi. Jańa oqý jylynda atalǵan sabaqtar respýblıkalyq arnalar arqyly translıatsııalanady.
