Almatyda jańa muz aıdyny ashyldy
ALMATY. 27 jeltoqsan. QazAqparat /Erbol Azanbek/ - Almatyda zamanaýı talaptarǵa saı jańa muz aıdyny ashyldy. Jańa demalys ári sport kesheniniń ashylýyna qala ákimi Ahmetjan Esimov qatysty.
«Jańa muz aıdyny almatylyqtardyń taǵy bir súıikti demalys ornyna aınalady dep senemin. Bul salaýatty ómir saltyn ustanýshylar men bolashaq sportshylarǵa Azııa oıyndary qarsańynda berilgen syılyq»,-degen qala ákimi ınvestorlar men tez arada osyndaı nysandy salyp bitirgen qurylysshylarǵa alǵys aıtty. Qala ákimi Azııa oıyndarynyń qarsańynda paıdalanýǵa berilgen osyndaı sport ǵımarattary oıyndardan soń turǵyndardyń ıgiligine qyzmet etetinin atap ótti.
Muz aıdynynyń ashylýyna AQSh-taǵy jattyǵýyn tastap arnaıy kelgen Vankýver olımpıadasynyń qatysýshysy Denısa Tenniń aıtýynsha, LUXOR kesheniniń ashylýy mánerlep syrǵanaýshylar úshin úlken syı boldy. «Elimizde osyndaı keshenniń ashylýyna qýanyshtymyn»,- dedi jas sportshy.
Barlyq jaǵynan zamanaýı talapqa saı keshenniń qurylysyn Mega aıs kompanııasy júrgizgen. Ol elimizdegi muz aıdyndary qurylysyn salýmen jáne servıstik qyzmet kórsetýmen aınalysatyn jalǵyz kompanııa. LUXOR kesheni Almatydaǵy 7- jabyq muz aıdyny bolyp otyr.
