Almatyda «Jańa medıa: baspa BAQ bolashaǵy» atty respýblıkalyq konferentsııa ótedi
ASTANA. 25 qyrkúıek. QazAqparat - 26 qyrkúıekte Almatyda «Jańa medıa: baspa BAQ bolashaǵy» taqyrybyndaǵy medıa konferentsııa ótedi. Sharanyń uıymdastyrýshysy - Mádenıet jáne aqparat mınıstrliginiń qoldaýymen «Qazkontent» AQ.
Barlyq aımaqtan bas qosatyn 130-dan asa jas jýrnalıster men blogerler konvergentti (mýltımedıalyq) jýrnalıstıkanyń erekshelikteri men damý perspektıvasyn, sonymen qatar, zamanaýı medıa naryǵyndaǵy BAQ-tyń barlyq segmentinde jumys isteı alatyn ámbebap jýrnalısterdi daıyndaýdyń ádistemesin talqylaıdy. Bul týraly «Qazkontent» AQ baspasóz qyzmeti habarlady. Medıakonferentsııa eń aldymen qazaq tildi BAQ jas jýrnalısteri men redaktorlarǵa eńbekti uıymdastyrý qaǵıdalary men dástúrli redaktsııalardy reformalaý stsenarıin jete túsindirý maqsatynda uıymdasytyrylady. Medıa sarapshylar óz keısterinde konvergentsııa qaǵıdasyna ótý kezinde medıakompanııalardyń ártúrli bólimderiniń qyzmetin josparlaýdy usynyp, ózderiniń medıa ónimderin ilgeriletý úshin áleýmettik jelilerde onlaın-jýrnalıstıkanyń quraldaryn qoldaný men tıimdi paıdalaný tájirıbesimen bólisetin bolady. Atalmysh konferentsııa ınternet-resýrsti qurý, sondaı-aq kontentti basqarý júıesindegi ákimshilik ádisin oqytý jáne áleýmettik medıany ilgeri jyljytýdy úıretýge múmkindik beretin baspa BAQ-tyń Internetke ótýi jobasy aıasynda ótkizilgeli otyr. «Kazkontent» AQ - Internet jelisiniń (Qaznet) qazaqstandyq segmentinde damý jáne aqparattyq keńistik qurý tujyrymdamasyn iske asyrý maqsatynda 2008 jyly qurylǵan memlekettik kompanııa. Kompanııanyń basty maqsaty - Qazaqstanda damyǵan ulttyq segmentiniń jahandyq aqparattyq Internet jelisin qurý, sonyń ishinde jelilik aqparattyq resýrstardy damytý, aqparattyq-kommýnıkatsııalyq ınfraqurylymdardy uıymdastyrý, osy salada belsendilikti ınvestıtsııalyq jáne ınnovatsııalyq yntalandyrý.
