Almatyda jańa qoǵamdyq kólik baǵyty paıda boldy
ALMATY. QazAqparat - Almatyda jańa avtobýs baǵyty paıda boldy, dep habarlaıdy QazAqparat tilshisi.
№105 jańa baǵyt Alataý aýdanynyń halyqqa qyzmet kórsetý ortalyǵynan TETs-2 –ge deıin kestege sákes júre bastady. Qoǵamdyq kólik tańǵy 7:00-den 10:00-ge deıin jáne 16:00-den bastap 20:00-ǵa deıin, shamamen 28 mınýt aralyǵymen júredi.
«AlmatyElektroTrans» kompanııasynyń habarlaýynsha, qalaǵa «Zhongtong» markaly jańa avtobýstar jetkizile bastady. Jaqyn kúnderi olar synaq kezeńinen ótý úshin 12 baǵyt boıynsha shyǵady.
Buǵan deıin, kompanııa basshylyǵy Almatyǵa jetkiziletin 200 avtobýstyń nelikten keshigip jatqanyn túsindirgen bolatyn.