Almatyda jańa qoǵamdyq keńistikter qaı jerlerde salynýda
Baqytjan Saǵyntaev balalardyń oıyn jáne sport aımaqtaryn qurý, sondaı-aq kólik ınfraqurylymyn damytý jónindegi jobalardyń iske asyrylýymen tanysty.
Áýezov aýdanynyń «Altyn besik» shaǵynaýdanynda jańa qoǵamdyq keńistik ashyldy. Buryn Anet baba kóshesinde stýdenttik jataqhana salý josparlanǵan bolatyn. Turǵyndar ótinish bildirgen soń qala ákimi Baqytjan Saǵyntaev munda sport jáne oıyn alańdaryn, sondaı-aq balabaqsha salý týraly sheshim qabyldady.
Endi 5 myń sharshy metr bos turǵan jerde fýtbol jáne basketbol alańdary, júgirý joldary bar sport alańy, balalarǵa arnalǵan oıyn alańy salyndy. Aýmaq abattandyryldy, jaryq tartyldy, qoqys jáshikteri men oryndyqtar ornatyldy, butalar men aǵashtar otyrǵyzyldy. Jaqyn jerde 120 oryndyq balabaqsha salynady.
Shahar basshysy sondaı-aq «Altyn besik» shaǵynaýdanyndaǵy Trýdovaıa kóshesinde abattandyrý jáne qoǵamdyq keńistik qurý barysyn kórdi. Aýmaǵy 9 myń sharshy metr bolatyn qaraýsyz qalǵan alań tazartylyp, trenajer, tennıs ústeli, vorkaýt-aımaǵy bar sport alańy uıymdastyryldy. Sondaı-aq fýtbol jáne basketbol alańdary, skeıt-alań, balalar oıyn aımaǵy qarastyrylǵan. Beınebaqylaý kamerasy ornatyldy.
«Aqsaı-2» shaǵynaýdanyndaǵy saıabaqta qaıta jóndeý júrgizilýde. Ákim memlekettik-jekeshelik áriptestik aıasynda salynǵan №42 mekteptiń sport alańyn aralap kórdi, Úlken Almaty ózeniniń jaǵalaýy - ál-Farabı dańǵyly boıyndaǵy kópirasty keńistigin abattandyrý jumystaryn tekserdi. Sonymen qatar, ıAsaýı kóshesinen qala shekarasyna deıin uzyndyǵy 4,5 shaqyrym Tóle bı kóshesin uzartý jobasy qaraldy.
