Almatyda jańa qoǵamdyq keńistik ashyldy

ALMATY. QazAqparat - Almatyda qaraýsyz qalǵan alańqaılarda oıyn jáne sport alańdary jabdyqtalyp, abattandyrý jáne kógaldandyrý jumystary júrgizildi, dep habarlaıdy QazAqparat tilshisi.

Jańa qoǵamdyq keńistik Áýezov aýdanyndaǵy «Altyn besik» yqsham aýdanynda ashyldy. Almaty ákimi Baqytjan Saǵyntaev jumys sapary kezinde qoǵamdyq keńistiktiń abattandyrylýymen tanysyp, aralap kórdi.

Aıtý kerek, buryndary aýmaǵy 9 myń sharshy metr bolatyn alań qaraýsyz qalǵan edi.

Almaty ákiminiń tapsyrmasy boıynsha alań tazartylyp, trenajerler, tennıs ústelderi, vorkaýt-aımaǵy bar sport alańy uıymdastyryldy.

Sondaı-aq, fýtbol jáne basketbol, skeıt alańdary, balalardyń oıyn aımaǵy qarastyrylǵan. Jaryqtandyrylyp, beınebaqylaý ornatylǵan.

Eske salsaq, budan buryn osy yqsham aýdanynyń Ánet baba kóshesinde abattandyrylǵan keńistik ashylyp, onda jataqhana salý josparlanǵan bolatyn.

Qala ákimi Baqytjan Saǵyntaev aýdan turǵyndarynyń ótinishterinen keıin sheshim qabyldaǵan soń, qazir munda fýtbol jáne basketbol alańdary, júgirý joldary bar sport alańy, balalarǵa arnalǵan oıyn alańy, vorkaýt-aımaq jáne skeıt-alań salyndy.

Aýmaq abattandyrylyp, jaryqtandyryldy, ýrnalar men oryndyqtar qoıyldy, butalar men aǵashtar otyrǵyzyldy.

Jaqyn jerge 120 oryndy balabaqsha salynady.

Ýchaskeniń bir bóligi saıabaq aýmaǵy retinde abattandyrylyp, kishi sáýlet pishinderi qoıylyp, gúlzarlar jasaldy.