Almatyda jańa kitap kómekshi qural jaryqqa shyqty
ALMATY. Qańtardyń 19-y. QazAqparat /Názıra Eleýhan/ - Búgin Almatyda kóshbasshylyq boıynsha koých-keńesshi, reseılik Marına Petrovanyń «Raftıng» dep atalatyn kitabiniń tanystyrylymy bolyp ótti,
dep habarlaıdy QazAqparat.
Atalmysh kitap «RAÝAN» baspa kompanııasynan, 2000 danamen shyqqan. Shyǵarmada tórt synyptas dostardyń, bir demalysqa barǵandaǵy oqıǵalary sýretteledi. Sol demalystan olardyń ómirleri qatty ózgerip, keıipkerler ózderin tanyp, mahabbattyń ne ekenin túsinip, jańadan ómir súrýge úırenedi. Kitap barlyq kitap súıer oqyrmandarǵa arnalǵan.
«Kúndelikti tirshilik aıasynda, ómirdi baǵalamaı, aınalamyzdaǵy múmkindikterdi baıqamaı qalamyz. Qorshalǵan áınektiń ishinde júrgendeı bolamyz. Meniń kitabim sol qamaldan shyǵýǵa, ómirge degen qózqarasty ózgertýge, jańa ózgeristerdi engizýge, búgingi kúniń erteńgi kúnge uqsamaýǵa, sonymen qatar ózińdi ózgertýge áser etetin kómekshi qural bolady dep oılaımyn», dedi kitap avtory Marına Petrova.
Kitaptyń bas redaktory Elena Moıseevanyń aıtýynsha shyǵarma bir tynyspen oqylady, jeńil, ári erikti formada jazylǵan. «Avtor shyǵarmasynda «Ómirde bári bar, alystan izdeme, barlyǵy janyńda, shyndyq qarapaıym jáne túsinikti, tek qana óz taǵdyryńdy jasa, talpyn, bári óz qolyńda» ekenin jaqsy, túsinikti tilmen jetkizgen», deıdi Elena Moıseeva.
