Almatyda jańa qazaq gımnazııasy ashyldy
ALMATY. Jeltoqsannyń 22-si. QazAqparat /Erbol Azanbek/ -Almaty qalasynda qazaq tilinde bilim beretin mektepterdiń sany taǵy bir bilim ordasymen tolyqty. Búgin Áýezov aýdanynda «Abylaı - T» gımnazııasy saltanatty túrde ashyldy,
dep habarlaıdy QazAqparat.
Jańa gımnazııa 300 oqýshyǵa laıyqtalǵan. Fızıka-matematıka pánderi tereńdetip oqytylady. Qazaq tilimen qatar álemdik qoldanystaǵy qytaı, aǵylshyn tilderin joǵary dárejede úıretedi. Oqý ǵımaraty sapaly bilim berý negizinde qazirgi zaman úlgisindegi materıaldyq-tehnıkalyq bazamen jabdyqtalǵan. Oqýshylardy 3 mezgil tamaqpen qamtý men mektepke ákelý men úılerine jetkizip salý qarastyrylǵan. Sonymen qatar gımnazııa janynda mektepaldy daıyndyq bólimi jumys isteıdi.
Gımnazııanyń ashylýyna qala ákimi Ahmetjan Esimov, Bilim basqarmasynyń bastyǵy Rahat Shımasheva, Áýezov aýdanynyń ákimi Bekqalı Torǵaev qatysyp, jańa mekteptiń ashylýymen quttyqtady.
