Almatyda jańa qaıyrymdylyq joba bastaldy
dep habarlaıdy QazAqparat.
Bul joba «Seimar Social Fund» qaıyrymdylyq qory men «Komanda SOS» eriktiler ortalyǵynyń uıymdastyrýymen iske asyrylýda. Joba aıasynda «Mirbilis» dızaınerler ujymy, «Manifest» dızaın stýdııasy, «Neolab's Web Solutions» kompanııasy, «URKER» toby men «Alatau Invest Construction» toqyma kompanııasynyń yqpaldastyǵymen 200 kreatıvti fýtbolkalar shyǵyp, qazir satylymǵa jiberildi. Uıymdastyrýshylardyń aıtýynsha, satylymnan túsken barlyq qarajat «Komanda SOS» eriktiler ortalyǵynyń «Qaıyrymdy ister qory: kimge, qashan, qalaı kómektesý kerek" atty baǵdarlamasy aıasynda dereý emdeýdi qajet etetin balalarǵa kómek retinde aýdarylatyn bolady.
"Eger birinshi taralymnan shyqqan fýtbolkalar jaqsy satylsa, biz bul joba boıynsha jumysty ári qaraı jalǵastyramyz. Qazirdiń ózinde bul jobaǵa qatysýǵa Dilnaz Ahmadıeva, Maqpal Isabekova jáne «JCS» toby usynys berdi", dedi "Komanda SOS» eriktiler ortalyǵynyń joba úılestirýshisi Álııa Saǵynǵalıeva.
"Úrker" tobynyń ánshisi Aıdos Saǵat mádenıet jáne óner ókilderi áleýmettik turǵydan jaýapkershilikti bolýy kerek dep atap ótti. "Biz bul jobaǵa shyn nıetimizben qatystyq, barlyq akterlar men ánshilerdi bizge qosylýǵa jáne atsalysýǵa shaqyramyn. Biz úshin elimizdegi balalardyń taǵdyry beıjaı emes", dedi ol.
Fýtbolkanyń ortasha baǵasy 3400 teńge. Ony Almaty men Astana qalasyndaǵy «Meloman» dúkenderinde satyp alýǵa bolady.
