Almatyda jańa ınvestıtsııalyq jobalar tanystyryldy
ALMATY. QazAqparat - Almatyda ótken ınvestıtsııalyq forým barysynda sarapshylar jańa múmkindikterge jol ashatyn ınvestıtsııalyq jobalar týraly aıtty.
Mamandar bıyl ǵana ashylǵan «Grand Park» kóterme saýda ortalyǵynyń múmkindikterin tilge tıek etti.
Spıkerdiń aıtýynsha, óndirýshiden tutynýshyǵa jetkizetin deldaldar tizbegin joıýdyń arqasynda ónimder satyp alýshylarǵa 15-20 paıyzǵa tómen baǵada jetip jatyr.
Barlyq et, balyq, jemis-jıdek, kókenis, sút ónimderin tikeleı fermerlerdiń ózderi jetkizedi.
«Grand Park» saýda oıyn-saýyq kesheniniń dırektory Ǵabıt Beısenbaevtyń aıtýynsha, qazirgi ýaqytta jaqyn ornalasqan oblystardyń aýyl sharýashylyǵy taýar óndirýshilerimen 30 shart jasaldy.
«Jyldyń sońyna deıin bul kórsetkish 250-ge deıin jetkizilmek. Sondaı-aq, munda aıaq kıim satatyn iri gıpermarket ashylady. Atalǵan joba 3500 jumys ornyn ashýǵa múmkindik beredi. Taýar álemniń 2 500 fabrıkasynan usynylatyn bolady», - dedi Ǵ. Beısenbaev.
Aıta ketý kerek, bıyl «GrandParkAlmaty» kesheni ekinshi kezeginiń qurylysyn salý josparlanyp otyr. Salynǵan ınvestıtsııanyń jalpy kólemi 25 mlrd teńge.
2017 jylǵy aýdanda «OBI» álemdik standartty qurylys materıaldarynyń, jabdyqtar men quraldardyń jańa nemis gıpermarketi ashylady. Jańa ınvestıtsııalyq joba 200 adamdy jumyspen qamtýǵa múmkindik beredi. Oǵan 5 mlrd teńge kóleminde ınvestıtsııa salynady.
