Almatyda jańa Eńbek kodeksiniń normalaryn qoldaný máseleleri talqylandy
ASTANA. QazAqparat - Almaty oblystyq sotynda oblystyq jáne aýdandyq sottardyń sýdıalary, prokýratýra, eńbek ınspektsııasy, advokatýra, kásiptikodaqtar, BAQ ókilderi men medıatorlar qatysqan dóńgelek ústelde jańa Eńbek kodeksiniń normalaryn qoldaný máseleleri talqylandy
Іs-sharany júrgizgen Almaty oblystyq sotynyń sýdıasy S.Qurbanova jańa Eńbek kodeksi Ult Josparyn iske asyrý sheńberinde qabyldanyp, eńbek zańnamasyn yryqtandyrýǵa negizdelgendigin atap ótti. Onyń pikirinshe, jańa Eńbek kodeksi jumys berýshi men qyzmetkerler arasyndaǵy qarym-qatynasty naqty anyqtady, olardyń ujymdyq sharttaǵy róli men jaýapkershiligin bekitti, eń tómengi eńbek standarttaryn, bazalyq kepildik pen qyzmetkerlerge ótemaqy jáne jumys berýshiler tarapynan tártipti oryndalýynyń baqylaý júrgizýdi belgiledi.
Kezdesýde «Almaty oblysynyń kásipodaq ortalyǵy» aýmaqtyq kásipodaqtar birlestiginiń tóraǵasy A.Qydyrmanova, Almaty oblysynyń eńbek qarym-qatynastaryn basqarý ınspektsııasynyń baqylaý bóliminiń basshysy B.Danııarov, prokýratýra bólimsheleriniń basshylary A.Bersinbaeva men E.Súleımen, Medıatorlarlardyń ulttyq palatasy oblystyq fılıalynyń dırektory B.Faızýlın sóz sóıledi. Olar áleýmettik áriptestik, jańa Eńbek kodeksiniń oryndalýyna prokýrorlyq qadaǵalaý júrgizý, sotqa deıingi bitimgershilik rásimder men eńbek zańnamasynyń basqa da jańashyldyqtary týraly aıtyp ótti.
Dóńgelek ústel sońynda qatysýshylar osyndaı kezdesýlerdiń mańyzdylyǵyn jáne aldaǵy ózara is-qımylǵa daıyn ekendikterin atap ótti.
