Almatyda jańa elektr podstantsııasy iske qosylady
ALMATY. QazAqparat- Almaty ákimi Erbolat Dosaev Bostandyq aýdany turǵyndarymen kezdesý barysynda, aýdandaǵy tozǵan ınjenerlik jelilerdi aýystyrý jáne modernızatsııalaý jumystary jalǵasyp jatqanyn aıtty, dep habarlaıdy QazAqparat tilshisi.
Onyń aıtýynsha, olardyń deni jarty ǵasyrdan astam ýaqyt buryn salynǵan, Bostandyq aýdanynda orta eseppen 60%-ynyń tozyǵy jetken.
2022 jyly Erǵojın, Gandı, Ǵabdýllın, Mogılevskıı, Sátbaev kóshelerindegi jáne «Orbıta-4» shaǵynaýdanyndaǵy 1,6 km jylý jelileri rekonstrýktsııalandy.
«Elektrmen jabdyqtaýdyń 4,8 km kabel jelisin tóseý aıaqtaldy. «Almagúl» podstantsııasyna elektr qýatyn berý jumystary júrip jatyr. Іske qosylýy maýsym aıyna josparlanǵan. Bul aýdandaǵy 200 myńǵa jýyq turǵyndy elektr qýatymen úzdiksiz qamtamasyz etedi»,- dedi Erbolat Dosaev.
Buǵan deıin ákim Almatyda jaryq nege jıi sónip qalatynyn túsindirgen bolatyn.
