Almatyda jańa ekologııalyq avtobýstar jolǵa shyqty
ALMATY. QazAqparat - Almatynyń qoǵamdyq kólik parki gazben júretin 105 jańa ekologııalyq taza jáne jaıly avtobýstarmen tolyqty. Jaqyn arada taǵy 45 avtobýs jetkiziledi, dep habarlaıdy QazAqparat tilshisi.
Qalalyq ákimdiktiń baspasóz qyzmeti málim etkendeı, «Evro-5» ekologııalyq klasyna jatatyn bul avtobýstardyń syıymdylyǵy - 90 adam. Edeni tómen, úsh esikti avtobýstar kondıtsıonermen, beınebaqylaý kameralarymen, aıaldamany avtomatty daýystyq habarlaý quralymen jabdyqtalǵan. Sondaı-aq, júrgizýshiniń sharshaǵanyn tirkeıtin tetigi, beınetirkegishi jáne pandýsy bar.
Jańa avtobýstar jolaýshylar meılinshe kóp júretin baǵyttarda shyǵarylady.
Jalpy, birinshi jartyjyldyqtyń sońyna deıin qoǵamdyq kólik parkine 300 jańa avtobýs alynady. Sondaı-aq, bıyl 250 gazben júretin avtobýsty jeke tasymaldaýshy qosymsha satyp alady.
Eske sala ketsek, Almaty oblysynda avtobýs aýdarylyp, birneshe adam aýrýhanaǵa túsken bolatyn.
