Almatyda jańa demalys aımaǵy ashyldy
Almaty ákimdiginiń málimetinshe, qala ákiminiń tapsyrmasy men turǵyndardyń ótinishi boıynsha 2022-2023 jylǵy jóndeý jumystary aıasynda Alataý aýdany Aqbulaq shaǵynaýdany, Ahanov kóshesinde uzyndyǵy 450 metr, bir mezgilde 700 adamdy qabyldaıtyn demalys aımaǵyn abattandyrý jumysy júrgizildi.
«6 000 sharshy metrden astam aýmaqta serýendeý joldary tóselip, oryndyqtar men ýrnalar, kóshe jaryǵy, pergala ornatyldy. Buqaralyq sportty damytý úshin fýtbol, basketbol alańdary, ústel tennısine arnalǵan eki ústel, sondaı-aq keme tárizdi balalar oıyn alańy salyndy. Qurylysshylar Memlekettik týǵa arnalǵan tý baǵanasyn da ornatty. Jańa demalys aımaǵy kógaldandyryldy. Jumysshylar qylqan japyraqty aǵashtardy otyrǵyzdy, nátıjesinde 500 sharshy metrden astam jer kógaldandyryldy», - dep habarlady Almaty ákimdiginiń baspasóz qyzmeti.
