Almatyda jańa balabaqsha ashyldy
QazAqparat - Almatyda Táýelsizdik kúnine oraı birqatar áleýmettik nysandar paıdalanýǵa berildi, dep habarlaıdy QazAqparat tilshisi.
Qala ákimi Baýyrjan Baıbek búgin Alataý aýdanyndaǵy №186 balabaqshada boldy.
«Saıaly» yqsham aýdanynda ashylǵan qazaq №186 balabaqshada 320 bala tárbıelenedi. Mektep jasyna deıingi mekemede 16 top bar. Onyń árqaısysynda balanyń jasyna qaraı oqytýdyń ózindik ádisteri - Montessorı, Denesh bloktary, qum terapııasy jáne basqalary qoldanylady. Baldyrǵandardy qabyldaý 19 jeltoqsannan bastalady. Ótinishter «Open Almaty» qoǵamdyq qabyldaýy arqyly júrgiziledi.
Aıta keterligi, 10 jyl ishinde Alataý aýdanyn damytýǵa 430 mlrd teńge jumsaldy. 30 myńnan astam jumys orny quryldy. 2,7 mln sharshy metr turǵyn úı salyndy. 12 mektep, medıtsınalyq mekemeler, 98 memlekettik jáne jeke balabaqsha ashyldy.
Al Almatyǵa jańadan qosylǵan Naýryzbaı aýdanynda sońǵy úsh jyl ishinde 5 medıtsınalyq mekeme, 2 memlekettik mektep, eki memlekettik jáne 65 jeke balabaqsha salyndy. Aýdannyń ákimshilik-iskerlik ortalyǵy boı kóterdi. Munda aýdandyq ákimdik, HQKO, AHAJ, prokýratýra, sot jáne basqalary ornalasqan.
