Almatyda jańa avtobýstar jolǵa shyqty
ALMATY. QazAqparat - Almatyda «LıAZ» markaly jańa avtobýstar №103 baǵyty boıynsha jolǵa shyqty, dep habarlaıdy QazAqparat tilshisi.
Almatyda qoǵamdyq kólik júıesin EYDU standarttaryna saı jaqsartý maqsatynda qozǵalmaly quramdy jańartý odan ári jalǵasýda.
Qala ákimi Baýyrjan Baıbek №103 baǵyty boıynsha júre bastaǵan tómen edendi «LıAZ» markaly jańa avtobýstardy qarap shyqty.
Qalalyq jolaýshylar kóligi jáne avtomobıl joldary basqarmasynyń basshysy Maqsut Isaqov bıylǵy jyly «Almatyelektrotrans» JShS satyp alatyn 297 kóliktiń alǵashqy 20 avtobýsynyń qalaǵa kelgendigin aıtty.
«LıAZ» markaly avtobýstar Evro-5 standartyna saı, 108 adam tasymaldaı alady. Kondıtsıonerlermen, vıdeo baqylaý kameralarymen jabdyqtalǵan, pandýstary bar, qalanyń brendbýgimen árlengen.
Qalǵan avtobýstar ústimizdegi jyldyń jeltoqsanyna deıin kezeń boıynsha jetkiziledi.
Buryn №103 baǵyttaǵy kólik Alataý aýdanynyń turǵyndary úshin qolaıly boldy, ol qala ortalyǵymen júrip, Ál- Farabı dańǵylyna kelip toqtaıtyn.
Keıin tasymaldaýshy jyljymaly sostavtyń joqtyǵy saldarynan bul baǵyt alynyp tastalǵan edi.
Ótken aptada tasymaldaýshy «Green bus company» JShS «Yutong» markaly 50 jańa avtobýsov alǵan bolatyn. Olar №50, 112, 126 baǵyttary boıynsha qyzmet kórsete bastady.
Bulardan ózge, jeke tasymaldaýshylar syıymdylyǵy ártúrli 254 avtobýs alýdy josparlap otyr. «BaTý Trevel» JShS, «AvtoAlma-Trans» JShS, «Madına» JShS, «TalapT» JShS, «Samat Trans» JShS, «Green bus company» JShS tasymaldaýshy- kompanııalar alǵan kólikter ústimizdegi jyldyń qazan aıynyń aıaǵynan 2018 jyldyń sáýir aıyna deıin kele bastaıdy.
BUU Damý baǵdarlamasynyń «Turaqty kólik» jobasyna sáıkes, bıyldyń ózinde Almatyda 530 jańa avtobýs paıdalanýǵa beriledi. Jalpy 2017 jyly qala ákimdigi 675 avtobýs alýǵa kelisimshart jasasqan. Onyń 530-y jolǵa bıyl shyqsa, 140-tan asa avtobýs keler jyldyń alǵashqy toqsanynda keledi.
«388 avtobýsty ákimdik sýdsıdııalaý arqyly satyp alady, Al qalǵanyn jeke tasymaldaýshylar satyp alyp jatyr», - dedi qalalyq Jolaýshylar kóligi jáne avtomobıl joldary basqarmasynan.
