Almatyda jańa avtobýstar jolǵa shyǵady
ALMATY. QazAqparat - Almatyda jolaýshylarǵa qyzmet kórsetý sapasyn arttyrý úshin 16 qarashadan bastap №14 marshrýtqa 15 jańa avtobýs shyǵarylatyn bolady, dep habarlaıdy QazAqparat tilshisi.
Qalalyq mobıldilik basqarmasynyń málimetinshe, sońǵy aılarda atalǵan marshrýtta josparly shyǵý 30-40%-ǵa deıin tómendep ketti. Sol sebepti qyzmet kórsetýdi basqa tasymaldaýshy kompanııaǵa berý týraly sheshim qabyldandy.
«16 qarashadan bastap №14 marshrýtqa 15 jańa avtobýs shyǵarylatyn bolady. Aldaǵy ýaqytta onyń sanyn 18-ge jetkizý josparda. Basqarma qyzmet kórsetý sapasyn jaqsartyp, júris jıiligin arttyrý baǵytynda birqatar shara qabyldap jatyr. Marshrýttarda týyndaǵan máseleler kezeń-kezeńmen júzege asyrylatyn bolady»,- dep habarlady basqarmadan.
Buǵan deıin Almaty ákimdigi jolaýshylar tasymaldaıtyn úsh kompanııamen sottasyp jatqany týraly jazǵan edik.
