Almatyda jańa avtobýs marshrýty iske qosylady
ALMATY. QazAqparat - Almatyda 12 maýsymnan bastap jańa qoǵamdyq kólik júre bastaıdy, dep habarlaıdy QazAqparat tilshisi.
Almaty qalalyq mobıldilik basqarmasy habarlaǵandaı, qala ákimi Erbolat Dosaevtyń Túrksib aýdany halqymen kezdesýi kezinde túsken ótinish boıynsha 12 maýsymnan bastap «Jas qanat» shaǵynaýdanyn Raıymbek dańǵylymen baılanystyratyn jańa №9 baǵyt iske qosylady.
«Jańa qoǵamdyq kólik «Raıymbek batyr» metro beketi aıaldamasynan Nazarbaev dańǵyly boıymen, ary qaraı Raıymbek dańǵyly - Súıinbaı kóshesimen, odan keıin Hmelnıtskıı kóshesinen «Jas qanat» shaǵynaýdanyna deıin barady. Osydan soń keri baǵytpen júredi. Jelide 8 avtobýs 8 mınýttyq jıilikpen júretin bolady», - delinedi basqarmanyń habarlamasynda.
