Almatyda jańa avtobýs baǵyty iske qosylady
ALMATY. QazAqparat - Almatyda 30 jeltoqsanan bastap №55 jańa avtobýs baǵyty ashylady, dep habarlaıdy QazAqparat tilshisi.
Jańa baǵyt qalaǵa qosylǵan eldimekenderde turatyndardy qoǵamdyq kólikpen qamtamasyz etý maqsatynda ashylyp otyr.
«Ol Abaı dańǵyly boıymen Ótegen batyr kóshesinen Alataý kóshesine deıin júredi, sodan keıin tómen qaraı Tashkent traktine deıin baryp, onda ońǵa burylady. «Moll Aport» SOO aıaldamasynan keri burylyp,Tashkent trakti boıymen qozǵalady. Budan ári «Altyn orda bazary» aıaldamasynan qaıta burylyp, Barlyq bazaryna kiredi»,- delingen Almaty qalalyq mobıldilik basqarmasy taratqan habarlamada.
Bastapqyda marshrýtta 7 avtobýs qyzmet kórsetedi, keıinnen jolaýshylar aǵymyna qaraı birlik sany arttylatyn bolady.
