Almatyda jańa 6 jol aıyryǵynyń qurylysy bastaldy
Qazirgi kezde barlyq 6 qurylys nysanynda jumystar qarqynmen júrip jatyr. Qurylys barysynda ınjenerlik kommýnıkatsııalardyń ornyn aýystyrý, jer men úılerdi satyp alý sııaqty sharalar qolǵa alynǵan.
Keshe Almaty ákimi Ahmetjan Esimov Qulja trakti men Halıýllın, Raıymbek - Momyshuly, Saıyn - Jubanov, Saıyn -Toraıǵyrov, Ál-Farabı -Dýlatı, Ál -Farabı - Rozybakıev kósheleriniń boıyna salynyp jatqan jol aıyryqtarynyń qurylysy barysymen tanysyp, qurylysty júrgizip jatqan kompanııalarǵa qurylysty belgilengen merzimde aıaqtaýdy tapsyrdy.
Qala basshysy sonymen qatar, qurylys barysynda kólik qoǵalysy syzbalaryn der kezinde qamtamasyz etýdi, qalanyń ortalyq bóligine qatysty kóshelerdiń az ýaqytqa ǵana jabylýy tıis ekendigin qadap aıtty.
Barlyq qurylys jumystaryn jyldyń aıaǵynda aıaqtaý josparlanǵan. Ári qaraı magıstraldar men jaqyn aımaqtardy abattandyrý jumystary qolǵa alynbaq.
Esterińizde sala keteıik, Almaty ákimi Ahmetjan Esimov qalanyń jol-kólik ınfraqurylymyn barynsha jetildirý qalalyqtar úshin paıdaly ekendigin jáne ekologııany jaqsartýǵa yqpal etetinin únemi aıtyp keledi. Ondaǵy maqsat - megapolıstegi avtomobıl kóliginiń qorshaǵan ortaǵa ákeler zalalyn barynsha azaıtý bolyp tabylady.
