Almatyda Jambyl atyndaǵy memlekettik fılormonııanyń 75 jyldyq mereıtoıyna arnalǵan saltanatty kontsert bolyp ótti

Jarty ǵasyrdan astam ǵumyry bar kontsert ujymyn Almatydaǵy barlyq kontserttik uıymdar men teatrdyń basshylary, Kompozıtorlar odaǵy, Qurmanǵazy atyndaǵy Qazaq ulttyq konservatorııasynyń ujymy, qala ákimdigi, «Nur Otan» HDP, Almaty oblysy Jambyl aýdanynyń ákimdigi, kásipodaq uıymdary, sonymen qatar Máskeý, Avstrııa mádenıet mınıstrlikteri de quttyqtap, óz syı-syıapattaryn jasady. Keshte QR Mádenıet mınıstri Muhtar Qul-Muhamedtiń quttyqtaý haty oqyldy.

Keshtiń ashylý saltanatynda belgili jazýshy, qoǵam qaıratkeri Naǵashybek Qapalbekuly óner uıymynyń tarıhy men jetken jetistigin baıandaı kele: «Jambyl atyndaǵy Qazaq memlekettik fılormonııasy - qazaq óneriniń qara shańyraǵynyń biri emes, biregeıi. Fılormonııa halyq klassıkalyq mýzykasynyń altyn ordasy bolyp tabylady»,-dep atap ótti.

Keshte Qaırat Ahmetov, Erlan Ámreev, Baqyt Quramysov, Amangeldi Nurqasymov syndy óner ujymynyń músheleri QR Mádenıet mınıstrliginiń mádenıet qaıratkeri belgisimen marapattaldy. Saltanatty sharada sonymen qatar, fılormonııanyń 10-nan asa ónerpazdary Almaty qalasynda ótken mádenı sharalarǵa belsendi qatysqany úshin qala ákimdiginiń Alǵys hattarymen marapattaldy.

Mereıtoılyq kesh baǵdarlamasynda atalmysh ujym eń úzdik shyǵarmalaryn oryndady. Ónerlerine tánti bolyp, zor yqylaspen tyńdaǵan ónersúıer qaýym úlken qoshemet kórsetti.