Almatyda Jamal Omarovany eske túsirýge arnalǵan mereıtoılyq kesh ótti

Kontserttik baǵdarlamaǵa KSRO halyq ártisi, Sotsıalıstik Eńbek Eri Bıbigúl Tólegenova, Abaı atyndaǵy opera jáne balet teatrynyń ánshisi Oleg Tatamırov, «Erke» toby, «Saltanat» ansambli jáne basqa da otandyq óner juldyzdary qatysty.

«Ájemizdiń mereıtoıy qarsańynda ony burynǵysha halqy shyn júrekten súıip, qadirleıtinin baıqadyq. Daryndy ánshisin umytpaǵan halqymyzǵa rahmet aıtamyz. Meniń júregimde ol árqashan da, ádemi, talantty áıel, qamqor jáne súıikti áje retinde saqtalady. Ol týǵan halqyn jan-tánimen súıýmen ótti. Onyń ónegeli ómiri, kópqyrly kelbeti jóninde talmaı áńgimeleýge bolady», - deıdi halyq ártisiniń nemeresi Aıgúl Omarova. 
Jamal Omarova Tashkent oblysynyń ıAngııýl aýdanynda ujymdastyrý kezinde qýǵyn-súrginge ushyraǵan dáýletti otbasynda dúnıege keldi. Ákesi ustalyp ketti. Balalarynyń bilim alýǵa da múmkindigi qalmady. Soǵan qaramastan, mektep jasynda-aq kontsertte án salyp, ónerin pash ete bilgen talantty qyz orman tehnıkýmynda, rafbakta, Orta Azııa taý-ken ınstıtýtynda oqydy.

Jamal Omarovanyń repertýaryndaǵy ánderdiń kópshiligi qazaqstandyq kompozıtorlardyń oǵan laıyqtap, arnap jazǵan ánderi bolatyn. Onyń ishinde ataqty «Altaı», E.Brýsılovskııdiń «Gúldengen Qazaqstan», Sh.Qaldaıaqovtyń «Meniń Qazaqstanym», B.Baıqadamovtyń «Bóbegim» jáne basqa da ánder bolatyn. Solardyń kópshiliginń týýyna Jamal Omarovanyń ózi de belsene atsalysty.

Jamal Omarova halqy súıgen ánshi boldy. Onyń erekshe daýysy óziniń mánerimen este qalatyn. 1943 jyly oǵan Qazaqstannyń eńbek sińirgen  ártisi jáne sol jyly Qazaq KSR halyq ártisi ataǵy berildi.

2003 jylǵy maýsymda halyq ánshisiniń qurmetine Almatynyń Kóktóbege qaraı shyǵatyn kósheleriniń birine onyń esimi berildi.