Almatyda jalǵyzbasty analar alaıaqqa aldanyp qaldy
ALMATY. QazAqparat– Almatyda jalǵyzbasty analardy aldaǵan alaıaq áıel ustaldy, dep habarlaıdy QazAqparat tilshisi.
Almaty polıtsııasy, alaıaqtyq faktisi boıynsha Almaty oblysy Qarsaı aýdanynyń turǵyny 47 jastaǵy O. atty azamatshaǵa qatysty sotqa deıingi tergeý amaldaryn bastady.
Kúdikti páterge muqtaj jáne aıtqan sózge tez senip qalatyn adamdardy óziniń týysy arqyly taýyp otyrǵan. Ol qurbandaryna problemaly páterlerdi satyp alý kezinde «qyzmet» usyna alatyndyǵyn aıtyp, qajetti aqshanyń bir bóligin alǵannan keıin qaıta baılanysqa shyqpaǵan.
«Negizinen ol memleketten jalǵyzbasty analarǵa kómek bar degen syltaýmen 750 myń teńgeden astam aqshany ıemdengen. Shyndyǵynda, kúdikti qalanyń turǵyn úı máselelerin sheshýge eshqandaı qatysy joq. Qazirgi ýaqytta kúdiktige qatysty QRQK 2-baby boıynsha sotqa deıingi tergeý bastaldy»,-deıdi Almaty qalalyq PD Áýezov aýdandyq polıtsııa basqarmasynyń bastyǵy Jasulan Turyspaev.
