Almatyda jalǵyz basty qarttardy óltirip, páterlerin ıemdenip kelgen qylmystyq top ustaldy
ASTANA. QazAqparat - QR Іshki ister mınıstrligi Almatyda óńirdegi qylmystyq ortanyń «serkesi» basqaratyn uıymdasqan topty quqyqtady. Bul týraly QR ІM Memlekettik til jáne aqparat departamentiniń dırektory Almas Sádýbaev óziniń Feısbýktegi paraqshasynda jazdy, dep habarlaıdy QazAqparat.
Onyń atap ótýinshe, qylmystyq toptyń quramynda notarıýstar, burynǵy polıtsııa qyzmetkeri syndy 20-dan astam adam bolǵan.
«Olar jalǵyz basty qart adamdardy óltirip, keıin olardyń páterlerin zańsyz rásimdeý jáne satýmen aınalysqan. Tergeý barysynda qazirdiń ózinde olardyń iz-tússiz joǵalǵandar sanatyna jatqyzylǵan 4 adamnyń páterin ıemdenip, satyp jibergendigi anyqtaldy. Jalpy bul top shamamen 45 qylmys jasady degen kúdikke ilinip otyr. Toptyń barlyq múshesi ustalyp, qamaýǵa alyndy», - dedi Almas Sádýbaev.
