Almatyda jalǵan vaktsına pasportyn satqandar qalaı jazalanady
Onlaın brıfıng barysynda Almaty qalasy densaýlyq saqtaý basqarmasy basshysynyń orynbasary Laýra Myrzaǵalı jalǵan vaktsına tólqujatyn satý faktisin boldyrmaýdyń jolyn aıtty.
«Biz barlyq medıtsına uıymdarynyń birinshi basshylaryna sybaılas jemqorlyqqa jol bermeýdi tapsyrdyq. Ol úshin kún saıyn óz ujymyn jáne vaktsınatsııa pýnkterin tekserip, baqylaýǵa alý mindetteldi. Árbir medıtsınalyq uıymnyń basshylaryna jaýapkershilik júkteldi.Qazirgi tańda bul máselege ár medıtsınalyq uıymnyń basshysy jaýap beredi, ıaǵnı, derbes jaýapkershilik bar. Eger mundaı áreketter anyqtalyp jatsa basshy atqaryp otyrǵan qyzmetinen ketýi de múmkin. Sondyqtan, olar bul týraly jaqsy biledi jáne eskertilgen», - dedi Laýra Myrzaǵalı.
Buǵan deıin, megapolıste birneshe emhanada vaktsına pasporty satylǵany týraly jazǵan bolatynbyz.