Almatyda jalǵan patrýldik polıtsııa kóligi anyqtaldy
ALMATY. QazAqparat- Almatyda jalǵan patrýldik polıtsııa kóligi anyqtaldy, dep habarlaıdy QazAqparat tilshisi.
Almaty qalalyq polıtsııa departamenti málim etkendeı, jergilikti polıtsııa qyzmetiniń mamandandyrylǵan batalonynyń ekıpajy ІІM-niń kórneki quraldary bar «Hyundai» avtokóligin ustaǵan.
Keıin belgili bolǵanyndaı, fılmderdiń biriniń ákimshiligi kólikti rekvızıt retinde paıdalanǵany anyqtaldy.
«ıAǵnı, stsenarıı boıynsha fılmde patrýldik polıtsııamen epızod bar. Ol bul áreketterdiń zańǵa qaıshy jáne jaýapkershilikke ákep soǵatyny týraly oılanbastan, polıtsııanyń qyzmettik kólikteriniń dál kóshirmesin jasaýdy uıǵarǵan. Árbir kınorejısser qajet bolǵan jaǵdaıda jalǵan rekvızıtter, bul jaǵdaıda polıtsııa kóligi, qoldan jasaıtyn bolsa, haos bolady. Ol kezde jalǵan polıtseılerge ózderiniń qylmystyq isterin júzege asyrýǵa múmkindik beredi» , - dedi Almaty qalalyq Polıtsııa departamenti bastyǵynyń birinshi orynbasary Nurlan Almasbekov.
Polıtsııa ókili, jalǵan kólik mamandandyrylǵan aıyppul turaǵyna qoıylǵanyn jáne onyń avtorlaryna zań aıasynda shara qoldanylatynyn atap ótti.
Sonymen qatar, PD-da osyǵan uqsas derekterge jol berilmeıtinin eskertip, árbir mundaı epızodqa túbegeıli quqyqtyq baǵa beriletinine ýáde berdi.
