Almatyda jalǵan memlekettik nómir taǵyp júrgen kólik ustaldy
ALMATY. QazAqparat - Almaty qalasynyń Ákimshilik polıtsııa basqarmasynyń arnaıy mamandandyrylǵan batalonynyń ekıpajy Nazarbaev pen ál-Farabı dańǵylynyń boıynan «Toıota Kamrı» markili kóligin baıqady, dep habarlaıdy Almaty qalalyq polıtsııa departamentiniń baspasóz qyzmeti Facebook jelisindegi paraqshasynda.
«Kólik soltústikke qaraı jyljyp bara jatqan. Inspektorlar kóliktiń memlekettik nómiriniń jalǵan ekenin baıqap qaldy. Júrgizýshiniń ózi shyn nómir óziniń garajynda ekenin aıtqan. Alaıda, ártip saqshylary QR Ákimshilik quqyqbuzýshylyq týraly kodeksiniń 590 babynyń 4-shi jáne 5-shi bólikterimen qarastyrylǵan quqyqbuzýshylyq jóninde ákimshilik hattama toltyrdy. Atalǵan is tıisti sheshim qabyldaý úshin arnaıy mamandandyrylǵan ákimshilik sotyna joldanady. Kólik arnaıy turaqqa qoıyldy»,-dedi Almaty qalalyq Polıtsııa departamentiniń ákimshilik polıtsııa basqarmasynyń bastyǵy Jandos Muratalıev.
Deparlament ókilderi sonymen qatar osy kúnderi Almatynyń joldarynda jol qaýipsizdigin qamtamasyz etý jáne jolda júrý erejesin óreskel buzý áreketteriniń jolyn kesýge baǵyttalǵan keń aýqymdy saýyqtyrý operatsııasy júrgizilip jatqanyn atap ótti.
Al sýretke qaraǵanda memlekettik «AV» serııasy jalǵan nómir bolyp otyr.
Osyǵan deıin Almatyda qylmys jıi bolatyn túngi klýbtardyń tizimin jarııaladyq.
