Almatyda jalǵan qujatpen júrgen Irak azamattary ustaldy
ASTANA. QazAqparat - Almatyda 4 adamnan turatyn otbasy Gretsııa azamattarynyń qujattarymen Frantsııaǵa ótip ketpekshi bolǵan, dep habarlaıdy «QazAqparat» HAA tilshisi QR UQK-niń baspasóz qyzmetine silteme jasap.
«Almaty» shekara baqylaýy bólimshesiniń jasaǵy «Almaty-Ystanbul» baǵytyndaǵy reısten jalǵan qujattarmen júrgen Irak azamattaryn ustady. Ustalǵandardyń aıtýy boıynsha, olar «bosqyndar» mártebesin alý úshin Frantsııaǵa ótý maqsatynda Qazaqstan Respýblıkasynyń aýmaǵyn tranzıt retinde paıdalanbaqshy bolǵan», - delingen Shekara qyzmetiniń baspasóz baıanynda.
Vedomstvo taratqan málimetterge qaraǵanda, atalǵan azamattar halyqaralyq zańnama aıasynda keri baǵytqa deportatsııalandy.
Ustaý deregi týraly aqparat quqyq qorǵaý jáne ózara is-qımyl organdaryna habarlandy.
