Almatyda jalǵan qujat kórsetken Ulybrıtanııanyń 3 azamaty ustaldy
ASTANA. QazAqparat - Shekara qyzmetiniń «Almaty» baqylaý-ótkizý beketinde (Almaty áýejaıy) «Dýbaı - Almaty» baǵytyndaǵy «FZ-701» reısimen kelgen Ulybrıtanııanyń 3 azamaty ustaldy.
Bul týraly QR UQK ShQ baspasóz qyzmeti habarlady.
Atalǵan azamattardyń qoljúkterin qaraý kezinde Aýǵanstan Islam Respýblıkasynyń tólqujattary jáne Pákistan Respýblıkasynyń ıdentıfıkatsııalyq kartochkalary tabyldy. Sondaı-aq, Aýǵanstan Islam Respýblıkasynyń azamattary retinde Aýǵanstannan Dýbaıǵa ushyp kelgendikteri anyqtaldy.
Bular Dýbaıdaǵy tranzıttik zonada júrip belgisiz adamdardan Ulybrıtanııa tólqujattaryn alady. Sol arqyly Qazaqstan Respýblıkasyna ushyp kelipti. Maqsattary - Qazaqstan aýmaǵyn ótkel retinde qoldanyp, bir-eki kúnnen keıin Eýropaǵa ushý.
Endi atalǵan azamattar qaıtadan Dýbaıǵa deportatsııalanatyn bolady.
