Almatyda jalǵan kásipkerlikpen jáne alaıaqtyqpen aınalysqan birneshe azamatqa qatysty qylmystyq is qozǵaldy
ALMATY. 26 qarasha. QazAqparat /Názıra Eleýhan/- Almaty qalasy boıynsha ekonomıkalyq qylmyspen jáne jemqorlyqpen kúres departamenti «Cubes Stroy» atty jalǵan JShS quryp qyzmetin júrgizgen bir top tulǵalarǵa qatysty qylmystyq is qozǵady.
Olar memleketke 518,5 mln. teńge salyq tólemeı zalal keltirgendikteri úshin aıyptalýda.
Sonymen qatar, Qylmystyq kodekstiń 177 tarmaǵynyń 3-shi bólimi boıynsha - alaıaqtyq jasaǵandyǵy úshin S. jáne N. esimdi azamattarǵa qatysty qylmystyq is qozǵaldy. Olar R. esimdi azamattyń senimine kirip, aldaý arqyly, onyń kepilde turǵan páteri men salonyn paıdalanyp ketken. Osylaısha 40,3 mln. teńge ıemdengen.
Osy tarmaq boıynsha V. jáne A. esimdi azamattarǵa da qatysty qylmystyq is qozǵaldy. Olar Almaty qalasynyń birneshe turǵynyna Germanııadan avtokólik ákelip beremiz dep, olardyń 53 mln. teńge aqshalaryn ıemdengen.
