Almatyda jalǵan kásipkerlik boıynsha 215 qylmystyq is qozǵaldy
ALMATY. QazAqparat- Almaty qalasy boıynsha Memlekettik kirister departamentiniń Ekonomıkalyq tergeý júrgizý qyzmeti ústimizdegi jyldyń sońǵy 6 aıy ishinde QR Qylmystyq Kodeksiniń 215- baby (jalǵan kásipkerlik) jáne 216- baby (jumysty naqty oryndamastan shot-faktýranyń úzindi kóshirmesin jasaý áreketi) boıynsha 215 qylmystyq isti tirkedi.
Bul týraly atalmysh departamenttiń baspasóz qyzmetinen habarlady.
«Mysaly, 2011-2013 jyldar aralyǵynda birqatar fırmalar ashyp, aqshalaı qarajatty qolma-qol aqshaǵa aınaldyrý arqyly jalǵan kásipkerlikpen aınalysqan azamatshanyń qyzmetine tosqaýyl qoıyldy. Bul azamatshanyń zańsyz áreketteriniń saldarynan memleketke 1,2 mlrd. teńge shyǵyn keltirilgen. Osy derek boıynsha jalǵan kásipkerlik baby boıynsha qylmystyq is qozǵalyp, úkim shyǵarý úshin is sotqa jiberildi.
Sonymen qatar, jalǵan kásiporynnyń esep aıyrý shottarynan 75 mln. astam teńgeni alý barysynda eki qylmystyq top quryqtaldy.
Olardan basqa, taǵy 9 qylmystyq top ustaldy. Olar jalǵan (qoldan jasalǵan) shot-faktýralardy jáne basqa da býhgalterlik qujattardy júzege asyrmaq bolǵan. Osy derekter boıynsha 4 qylmystyq is qozǵalyp, sotqa jiberildi. Qalǵan derekter boıynsha qazir tergeý amaldary júrgizilip jatyr» - delingen habarlamada.
Mysaly, «K» esimdi azamattan jalpy somasy 423,3 mln. teńgege bastapqy jalǵan kelisim-sharttar (shot-faktýralar, júkqujattardyń kelisim-sharttary, kassalyq kiris orderleri jáne fıskaldyq orderler) baqylaý retinde satyp alynyp, oǵan talap etilgen 4 paıyzy (92 000 AQSh dollary) berilgen. Bul azamatqa qatysty QR QK 24-babynyń 3-shi tarmaǵy, 215-babynyń 3 tarmaǵy, 385-baby jáne osy 385-babynyń 3-shi tarmaǵy boıynsha 3 qylmystyq is qozǵaldy.
Qazir is sotqa berildi.
Aǵymdaǵy zańnamaǵa sáıkes, shot-faktýralardy júzege asyrý nemese usyný jáne jalǵan kásipkerlikti uıymdastyrý qylmys retinde jazalanatyn áreket bolyp tabylady. Bul úshin 2 jyldan 10 jylǵa deıin bas bostandyǵynan aıyrý jaýapkershiligi qarastyrylǵan.
Jalǵan kásiporyndardy ashý kóp jaǵdaıda qarajatty qolma-qol aqshaǵa aınaldyrý jáne memlekettik satyp alý barysynda zańdy aınalymnan aqsha alýǵa, sondaı-aq salyq salý bazasyn azaıtýǵa baǵyttalatyndyǵyn aıta ketken jón.
