Almatyda jalǵan kásipker memleketke 144 mıllıonnan astam teńge shyǵyn keltirgen - qarjy polıtsııasy
ALMATY. Aqpannyń 23-i. QazAqparat - Almatyda kásipker tórt jalǵan kásiporyn quryp, memleketke 144 mıllıonnan astam teńgeniń shyǵynyn keltirgen,
dep habarlaıdy Almaty boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń baspasóz qyzmetinen.
B., degen kásipker «Samal HHІ ǵasyr», «Madııar 2003», «Taraz-Baıterek Group» jáne «Álem Eksklıýzıv Qurylys» jaýapkershiligi shekteýli seriktesterin qurǵan. Álgi azamattyń salyq tólemeý túrinde memleketke keltirgen shyǵyny 144,1 mıllıon teńgeni qurap otyr. Onyń ústinen QR Qylmystyq kodeksiniń 192-shi baby boıynsha (jalǵan kásipkerlik) qylmystyq is qozǵalyp otyr, dep habarlady departamentten.
