Almatyda jalǵan aqshalar aınalymda júr
ALMATY. QazAqparat - Sońǵy ýaqytta Almaty qalasynda jalǵan banknottardyń taraýy jıilep ketti. Bul týraly qaladaǵy ekonomıkalyq tergeý departamenti aıtty, dep habarlaıdy QazAqparat tilshisi.
Ulttyq valıýtanyń ishinde bir serııaly nómirdi jalǵan aqshalar kóbeıgen. Olar 5 myń jáne 10 myń teńgelik banknottarda kezdesedi.
Almaty qalasyndaǵy ekonomıkalyq tergeý departamentine jalǵan banknottar ekinshi deńgeıli bankterden túsedi. Kóbine 10 000 teńgelikter tirkeledi, olardyń serııalary birdeı AA3048964, AA0048181, AA0048484 jáne nomınaly 5000 teńgelik banknottar bar BB5547994.
Jyl basynan beri departamentke 4,7 mıllıonnan astam jalǵan aqsha tústi.
Qazirgi ýaqytta bólim qyzmetkerleri atalǵan banknottardy shyǵarý jáne taratý kózderin anyqtaý boıynsha jumys júrgizýde.
Almaty qalasynyń Ekonomıkalyq tergeý departamenti, turǵyndardy kassalyq operatsııalarda qyraǵy bolýǵa shaqyrady. Jasandy tólemder anyqtalǵan jaǵdaıda, dereý Almaty qalasy boıynsha ekonomıkalyq tergeýler departamentine habarlasýlaryn suraıdy.
Almaty qalasy Jibek-joly kóshesi 127, senim telefony: 8 727 297-29-56 habarlasyńyz.
