Almatyda jalǵan aqsha jasaıtyn tseh tabyldy
ALMATY. QazAqparat – Almatyda jalǵan aqsha basyp shyǵarýmen aınalysqan astyrtyn tseh áshkerelendi, dep habarlaıdy QazAqparat tilshisi.
Almaty qalasy boıynsha Ekonomıkalyq tergeý departamentiniń málimetine sáıkes, qylmystyq top 500, 5000 nomınaldaǵy aqshany qoldan jasaýmen aınalysqan.
Top quramynda 3 adam jumys istegen.
«QR Ulttyq bankiniń banknotalaryn jasaıtyn astyrtyn tseh jumys istegen. Kýpıýralardy 3 adam birigip qoldan jasaǵan. Tseh ishinen noýtbýkter, túrli tústi prınter, eriktish, ýltrakúlgin sáýle shyǵaratyn sham, lamınator, klıshe, boıaý quıylǵan qutylar, ishinde sýret saqtalǵan flesh-tasymaldaýshy quraldar, quny 308 000 teńge bolatyn jalǵan aqsha tabyldy», - delingen baspasóz habarlamasynda.
Bul derek boıynsha QR QK 231-babynyń 2-bólimimen qylmystyq is qozǵalyp, sot qaraýyna berildi.
