Almatyda jalǵan aqsha jasaıtyn tseh anyqtaldy
ALMATY. QazAqparat – Almatyda jalǵan aqsha jasaıtyn astyrtyn tseh áshkerelendi, dep habarlaıdy QazAqparat tilshisi.
Almaty qalalyq Ekonomıkalyq tergeý departamentiniń málimetinshe, bul tsehte nomınaly 10 myń teńgelik banknottar basylǵan. Keıin olar Almaty qalasy men Almaty oblysy sheńberinde aınalysqa ketken.
Departament atalǵan derekke baılanysty QR QK-niń 231-baby 2-bóligimen qylmystyq is qozǵap, 2 adamdy ustady.
Olardyń páterin tintý kezinde noýtbýk, túrli-tústi prınter, sý belgileri bar arnaıy qaǵazdar, boıaý quıylǵan qutylar, nomınaly 10 000 teńge bolatyn kórkem sýret paraqtary, banknot bederleıtin quraldar, kantselıarlyq taýarlar, 220 000 teńge somasynda jalǵan aqsha tabyldy.
Qazirgi tańda bul is boıynsha saraptamalar taǵaıyndaldy.
