Almatyda jalǵa alynǵan kólikti satpaq bolǵan er adam ustaldy
ALMATY. QazAqparat - Almatyda jalǵa alynǵan kólikti satpaq bolǵan jas jigit ustaldy, dep habarlaıdy QazAqparat tilshisi.
Almaty qalalyq Polıtsııa departamenti málim etkendeı, 25 jastaǵy N.esimdi azamat «Toyota Land Cruiser 200» kóligin jalǵa alyp, ony saıt arqyly satpaq bolǵan.
«Habarlandyrý kólik baǵasynyń naryqtan eki ese tómen suraýymen nazar aýdartty. Kúdikti bireýdiń kóligin tez satýdy kózdegen. Arzan baǵa suraǵan kólikti satyp alýshy da tabylǵan. Ol kúdiktiniń qujattardy joǵalǵannan keıin qalpyna keltirýge bolady degen sózine sengen. Mundaı quqyq buzýshylyq QR QK-niń 190-baby boıynsha tergeledi», - dedi Áýezov aýdandyq polıtsııa basqarmasynyń bastyǵy Ulan Ábilhaıyr.
Kúdikti qamaýǵa alyndy. Tergeý amaldary júrip jatyr.
